أعرب أحمد فتحي، لاعب نادي الأهلي، عن حزنه من جماهير النادي، التي هتفت برحيله من النادي، بعد ما أثير حول تفاوضه مع نادي الزمالك.
وقال، في حواره مع قناة «الأهلي»، مساء الأحد، إن «اللي بيحب حد مينفعش يعمل معاه كده، ومش معقولة أنا بحبك وبعد كده آجي أهزأك».
وأضاف: «اللي بيحب حد بيحبه لشخصه، وكل واحد له مكانته عند الناس، وأبوتريكة مشي، وجمعة وسيد معوض».
وتابع: «أنا من ساعة ما جيت النادي، من 10 سنين، عمري ما عملت مشكلة، عمري ما كلمت حد وحش، وهذا من فضل الله».
وواصل: «زعلت شوية، مش هبقى منافق وأقول ما زعلتش، هيبقى معنديش دم. وأقول لجمهور الأهلي الحمد لله إنكوا بتحبوني».
وهتفت جماهير نادي الأهلي برحيل الثنائي عبدالله السعيد وأحمد فتحي، في مباراة مونانا الجابوني، بعد تأخرهما في التجديد للنادي.
وقالت الجماهير: «يا عبدالله خد فتحي وامشي»، بعد ما أثير حول تفاوض اللاعبين مع نادي الزمالك
0 التعليقات:
إرسال تعليق